Gaukur dagsins!

kanari.jpg

Heimsóknir

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday24
mod_vvisit_counterYesterday35
mod_vvisit_counterThis week108
mod_vvisit_counterLast week222
mod_vvisit_counterThis month402
mod_vvisit_counterLast month798
mod_vvisit_counterAll days305498
Dama Prentvæn útgáfa
Skrifað af: Hjördís Bára Sigurðardóttir   
Fimmtudagur, 06. maí 2010 20:28

        22. nóvember 2005

Æviágrip og ættarsaga Dömu:

DamaDama fæddist 28. ágúst árið 2005 á Hvolsvelli, hún er undan Birtu og Sámi. 
Gotið var 6 hvolpa got, allt gular tíkur, ein lifði ekki.

Birta mamma Dömu er hreinræktuð með ættarbók, við hittum hana þegar við sóttum Dömu og er hún alveg eins í útliti og Dama.  Um Sám, sem er pabbi hennar Dömu, er það að segja, að ekki er vissa fyrir því að hann sé með ættarbók, en þó fann ég hann á skrá og sennilega er hann hreinræktaður, seljandin var ekki viss.  Amma Dömu heitir Kókó og afinn Jökull, bæði með ættarbók, fann þau á skrá. 

Dama kom til okkar 3. nóvember 2005, þá rúmlega átta vikna gömul.  Hún var hvorki sprautuð né skráð, dýralæknir kom að við gotið.

Hjördís Bára (mamma) gaf henni nafnið Dama og stundum má segja að það sé hálfgert öfugnefni, þar sem hún er hálfgerð drusla með sjálfa sig og höfum við stundum í gríni kallað hana Dömu druslu, þegar okkur finnst það eiga við.  Stundum ruglast Jói þegar hann ætlar að skamma hana og heldur að hann sé að skamma Thelmu Björk sína og kallar Dama Björk ekki....

Það var auðvitað farið strax með Dömu til Magnúsar dýralæknis, fékk hún sprautur, var örmerkt og skráð. Magnús dýralæknir er mjög ánægður með Dömu, segir hana mjög heilbrigða og sterklega byggðan hund.  Keypt var búr handa henni og vildi hún strax fara sjálf í það og líkar vel.

Um sjö mánaða aldur fór hún að stökkva yfir girðingu hér heima og strjúka til að skoða heiminn, en aldrei lengi í einu.  Hún gerir það sama þegar hún er laus uppi í sumarbústað en kemur fljótt heim aftur.

Átta mánaða fór Dama á fyrstu blæðingar sínar eða lóðarí, það var 29. apríl 2006.  Blæðingin var frekar mikil og þreif hún sig ekki mikið sjálf, enda svo ung ennþá.

Það hefur gengið vel að ala Dömu upp, hún var mjög fljótt húsvön og er fljót að læra, róleg og geltir sjaldan og aldrei inni, virðist skammta sjálf í sig matinn og heldur sér í hæfilegri þyngd.  Það er mikill leikur í Dömu, en er mjög einþykk og þarf maður að vera rólegur en ákveðinn við hana, góð í taumi og þykir gaman að fara út að ganga og einstaklega góð í bíl.

Dama er að sjá mjög vitur og vel gefin, skilur næstum allt sem við hana er sagt, í eins atkvæða orðum og stuttar skipanir, eins hlustar hún vel á pabba sinn þegar hann er að vinna í bílskúrnum og heldur uppi miklum samræðum við hana, hún fór fljótt að fara sjálf í búrið sitt á morgnana þegar hún sá okkur fara í yfirhafnir til að búa okkur til vinnu.

Dama er allt of gestaglöð og heldur að gestir sem koma í heimsókn séu sérstaklega að koma til að heimsækja sig og verður frekar æst og vill flaðra um gestina, en róast fljótt aftur.  Hún er alveg með það á hreinu að ef eitthvað stendur til, t.d. jólaundirbúningur eða einhverjar breytingar á heimilinu að það sé eingöngu gert fyrir hana og fylgist með af miklum áhuga.

12. janúar 2009
Dama er orðin rúmlega 3 ára og er gott dýr, sem hefur ekki skipt um skoðun á gestagangi og því sem er að gerast á heimilinu sínu.  Hún telur að allt sem er að ske, sé eitthvað sem hún verður að fylgjast með.

Hún hefur fengið hormónasprautur hjá Magnúsi dýralækni til að fara ekki á lóðarí.  Henni eru gefnir flestir matarafgangar sem til falla á heimilinu með þurrfóðrinu sínu.
Hún er afskaplega róleg hér heima og þykir gaman að fara út að ganga, komist hún í vatn er hún dugleg að synda.  Henni finnst auðvitað fátt eins skemmtilegt og að leika við aðra hunda og semur vel við þá og virðir aldursröðina fullkomlega.  Perla, tíkin hennar Írisar og hans Daða, er besta vinkona hennar og þykir þeim fátt skemmtilegra en að leika saman.
Henni finnst mjög gaman að fara í sumarhúsið okkar, fer þá gjarnan í smá leiðangra, en kemur aftur eftir 30 mín. eða svo. (sem má ekki auðvitað og er mjög skömmustuleg þegar hún kemur til baka). Veit alveg upp á sig skömmina og að hún á ekki að fara í leyfisleysi í burtu, en það er svo gaman í skóginum í sveitinni.

Dömu vantar svolítinn aga (sem er auðvitað foreldrum hennar að kenna) en gegnir ef hún er beitt aga á réttan hátt, rólega og ákveðið.

14. janúar 2010
Ákveðið var að láta taka Dömu úr sambandi og láta gera á henni ófrjósemisaðgerð sem var gerð í janúar 2010.

Dama verður 5 ára í ágúst á þessu ári og hefur gefið eigendum sínum ómælda gleði og ánægju og hefur hún vakið mikla lukku meðal yngri kynslóðarinnar í fjölskyldunni, enda er hún alltaf til í að leika við þau.